لمسات حوا

  النوتيلا من الأشياء التي يحبها الجميع سواء اطفال او كبار ولكن مع ارتفاع سعرها قررنا نقدم الفرحة للاطفال و لمسات حوا قررت تساعدك وتقدم لك طريقة عمل النوتيلا عشان تفرحي كل حبايبك . قبل ما نقدم لك المقادير والوصف لازم تعرفي أن نوع المواد اللي هتساخدميها هتفرق معاكي في الطعم عشان كدا بنقولك حاولي تستخدمي خامات من أماكن مضمونة . وقت التحضير :- 5 دقائق  الكمية تكفي :_ 350 حرام تقريبا  المقادير :_ عدد 1 كوب كاكاو خام  عدد 1 كوب سكر بودرة  عدد 1 كوب لبن  عدد 1 كوب إلا ربع زيت ذرة أو عباد شمس  الطريقة :_ هنضيف كل المكونات في الخلاط ونضربهم جميعا حتى يتم خلط جميع المكونات و تحفظهم في برطمان نظيف ومجفف ومحكم الغلق

  وقت التحضير : 10 دقائق وقت الطهي :- 30 دقيقة الكمية تكفي :- 5 اشخاص المقادير :- كيلو ريش بتلو  بصلة كبيرة مقطعة شرائح رفيعة حباية طماطم كبيرة مقطعة شرائح فلفل الوان  2 فص ثوم كبير مفروم 3 ملاقع زبدة كبيرة صوص الباربيكيو الطريقة :- مقلاية لها غطا وهنحطها على النار تسخن ننززل بالزبدة ولما تسخن نحمر فيها الريش على الوجهين وننزل بالبصل الشرايح والثوم مع التقليب وننزل بالطماطم والفلفل الالوان  ملح - فلفل اسود وفصين حبهان - ورقة لوري - ملعقة بابيكا  ونغطي المقلاية ونتركها 10 دقائق على نار متوسطة وننزل 2 كوب ماء ساخن لما تنضج هننزل بصوص بالبربيكيو نضيف 1/2 كوب ماء ساخن ونتركها تغلي وبعدين نطفي النار تقدم ساخنة

  وقت التحضير :- 90 دقيقة  وقت الطهي :- 40 دقيقة الكمية تكفي :- 4 اشخاص المقادير :- فرخة كبيرة مقطعة 8 قطع 4 كوب ارز كبسة بصلة كبيرة مبشورة مكسرات حسب الرغبة والامكانيات زبيب 2 جزرة كبيرة مبشورة ملح - فلفل اسود - باربيكا - كاري - كركم  2 ملعقة زبدة كبيرة الطريقة :- هنتبل الفراخ بالملح والفلفل الاسود وبهارات الفراخ وبصل بودرة  في حلة جرانيت كبيرة هننزل بالزبدة ولما تسخن كويس هننزل بفراخ اللي تبلناها وهنقلبها ونسيبها حوال 10 دقايق ونقلبها باستمرار وبعدين ننزل بالبصل المبشور ونقلب ونغطي الحلة وكل شوية نقلب هننزل بكل الكسرات ونقلب كويس  هنزودل تقريبا 5 اكواب ماية ساخنة ونتركها حتى الغليان وننزل بالتوابل كلها الباربيكا والملح والكركم والجزر المبشور ونتركها حتى الغليان ننزل بالارز المغسول ونقلب لازم الماية تكون مغطية الرز ونقفل الحلة محكمة الغطا  تقريبا 10 دقيقة ونهدي النار ونتركها حتى النضج وتقدم ساخنة

الكمية تكفي :- 4 اشخاص وقت التحضير :- 10 دقائق وقت الطهي : 20 دقيقة المقادير :- 1/2 كيلو لحم مفروم بصلة مبشورة ناعم بيضة ملعقة دقيق كبيرة ملح - فلفل اسود - بهارات لحم -  جزرة مبشورة شرائح شيدر موتزريلا مبشورة الطريقة :- في طيق غويط هننزل باللحم المفروم والبصل و الملح والفلفل والبهارات وعليهم البيض ونعجنهم ببعض كويس هنفرد اللحم على ورق المطبخ وهنرص شرائح الشيدر و نرش المودزريلا ونلف اللحم زي الرول  ونحضر قارب الكيك الرفيع وندهن زبدة ونحط رول المفروم وندهن الوش بالزبدة كويس  وندخله الفرن على نار متوسطة تقريبا 20 دقيقة ويقدم ساخن مع الارز البسمتي 

  الكمية تكفي :_ 5 أشخاص  وقت التحضير :_ 10 دقائق  وقت الطهي :_ 15 دقيقة  المقادير :_ نفرم نص كيلو صدور فراخ مخليه   ونص كيلو وراك مخليه  وقطعه صغيره من دهن الفخده البقرى ودى مهمه  جدا عشان الكفته متكونش ناشفه   تفل بصلتين مفرومين ومعصورين كويس  وفصين توم مفرومين ناعم  ومعلقه صغيره ملح  و نص معلقه صغيره فلفل اسود  و معلقه صغيره توابل فراخ  ونص معلقه صغيره بابريكا وجنزبيل  ومعلقتين كبار بقدونس مفروم  ومعلقتين كبار نشا  الطريقة :_  في طبق غويط هتنزل بكل المكونات اللي قولنا عليها ونقلبهم كويس ونحطهم  فى التلاجه ساعه  ونصبعهم على اسياخ الشيش المنقوعه فى الميه لمده ساعه  وممكن ندهن أيدينا زيت مع ميه البصل لسهوله التصبيع  ونديهم صدمه من كل الجوانب  فى طاسه فى زيت خفيف  ونرصهم فى صينيه مدهونه زيت وندخلهم فرن ساخن  على درجه 200 لمده 25 دقيقه مع تقليبها بعد  نص الوقت وبالف هنا لحضرتك 😊😊

  بعد ما تعرفي الوصفة دي عمرك ما هترمي قشر الليمون الوصفة السرية لإزالة أي دهون من البوتاجاز أو الشفاط  اول حاجة تجمعي كمية كويسة من قشر الليمون وطبعا هتحفظيه فالفريزر عشان مايعفنش  الوصفة :_  كميه كبيرة من قشر الليمون  كوب ملح ليمون  كوب كربونات صوديوم ( كربوناته )  كوب بريل أو اي نوع صابون  الطريقة :_  هنغلي قشر الليمون وبعدين تضربيه بالهاند مكسر أو في الخلاط وتنزليه تضيفي الملح ليمون والكربونات والبريل وتقبلي كويس اوي وبعدين تعبئه في جردل أو اي علبة  هتستخدميه في أي حاجة لو رخامة المطبخ لونها مش حلو لو البوتاجاز عليه دهون أو العيون مكتومة وصفة رهيبة للتنظيف

  البسلة من اكتر الاكلات اللي بيحبها الاطفال النهاردة لمسات حوا هتقولك على طريقة روعة هتعملي بيها البسلة والجزر وجماله  الكمية تكفي :- 4 اشحاص وقت التحضير : 10 دقايق وقت الطهي :- 20 دقيقة المقادير :- 1/2 كيلو لحم  2 ملعقة سمن 1/2 كيلو بسلة  1/4 كيلو جزر مقطع صغير 1/2 كيلو طماطم عصير 1 بصلة كبيرة مبشورة 4 فصوص ثوم مفروم الطريقة :- حلة على النار وهننزل بالسمن لما تسخن كويس هننزل بالبصل المشورة ولما يبدا لونه يتغير  هننزل باللحمة ونقلب كويس وننزل بالفلفل الاسود و ننزل بالجزر والبسلة ونقلبهم ونغطي شوية  10 دقايق على نار هادية ولما تبدا تغلي هنزود عصير الطماطم ونغطي عليها  مابين الفترة والتانية نقلب ونزود ماية لو حتاجت نرش الكمون وكل التوابل بتاعتك والملح  ولما تنضج تعملي معاها احلى ارز بالشعرية وبالف هنا .

  اليتزا من اجمل الاكلات اللي بحبها كل الافراد العائلة سواء كبير او صغير ولان سعرها غالي وعشان انتشار فيروس كورونا   وخوفنا من الاكلات الجاهزة ولان اغلب الطرق دايما مابتكونش زي اللي بتشتريها من برا  هنقولك على اسهل عجينة بيتزا ممكن تعمليها وهتكون احسن من المطاعم الكمية تكفي :- 5 اشخاص وقت التحضير :- 30 دقيقة وقت الطهي :- 15 دقيقة المقادير :- 5 اكواب دقيق 1 كوب و نص لبن دافى 1/2 كوب زيت ملعقة كبيرة خميرة 1 بيضة ملعقة سكر الحشو :- فلفل الوان او اخضر حار او بارد حسب الرغبة زيتون مخلي بسطرمة - سجق - مشكل جبن - لحم سي فود اي حاجة عايزها  مودزريلا 3 حبة طماطم - ملح هتحطي الطماطم في حلة وماية ومعلقة سكر وعلى النار حتي تنضج وتنزعي القشر وتهرسيها جيدا  طريقة العجينة :- في طبق العجن هننزل باللبن و الزيت والبيض والخميرة والسكر ونقلبهم كويس جدا وننزل بالدقيق المنخول  ونبدا العجن بايدك وتعجني كويس لغاية ما العجينة تلم معاكي وما تلزقش في ايدك  تبلي ايدك بالزيت وتلمعي وش العجين وتغطيه وتركينيها عشان تخمر حوالي 30 دقيقة  هنبدا ترشي زيت على الرخامة وتقسمي العجين ل 5 كورات متساوية  وتمسكي كل واحدة تفردي

  الكمية تكفي :_ 5 أشخاص وقت التحضير :_ 10 دقيقة  والطهي :_  20 دقيقة المكونات :_ ½ كيلو رقاق طري.  ¼  كيلو بسطرمة . جبنة مودزريلا . 2 حبة طماطم مكعبات صغيرة .  2 كوب مرق دجاج أو بط ساخنة. ثمرة فلفل أخضر مفرومة ناعم.  ¼ كوب زبدة مُذابة.  2 ملعقة كبيرة زيت.  ½ ملعقة صغيرة بهارات مشكلة.  ¼ ملعقة صغيرة جوزة الطيب.  ملح وفلفل أسود. طريقة التحضير :_ نحضر طبق عميق ونضع المرقة الساخنة وتحضر صينية مدهونة زبدة ننزل بواحدة من الرقاق في الشوربة ونرفعها نفردها في الصينية نفرد نص الكمية وبعدين ننزل بالبسطرمة و الفلفل والطماطم والزيتون والمودزريلا وتكمل باقي الرقاق في الشوربة ونفردها في الصينية وبعدين ننزل بشوية شوربة وتدخلها الفرن وتقدم ساخنة 

  الكمية تكفي :_ شخصين  وقت التحضير والطهي :_ 20 دقيقة  كل سيدة تحلم بجسم متناسق وتبحث دائما عن اكلات ذات مذاق رائعة ولا تسبب زيادة في الوزن لمسات حوا بتقدم لك مجموعة من الأفكار والاكلات الصحية اللي تناسب اي سيدة ولا تسبب زيادة في الوزن وتناسب ايضا مرضي السكر لقلة السعرات الحرارية بها . الشوفان :_  له فوائد عديدة مناسب أثناء الريجيم ومناسب أيضا لمرضي السكر لمسات حوا بتعملك كشك الشوفان الرائع والصحي بخطوات بسيطة وسهله . المقادير :_ كوب شوفان صحيح  2 كوب لبن  كوب زبادي  بصله مبشورة ملح _ فلفل اسود _ بهارات  طريقة التحضير :_  1_ ملعقة زيت ذرة هنشوح فيها البصل كويس وننزل بالشوفان ونقلب كويس ونضيف كل التوابل والملح ونقلب كويس جدا . 2_ هتنزل باللبن الدافئ ونقلب وبعدين كوب الزبادي ( ممكن تستبدليها بالقشطة ) . 3_ نقلب كويس نزود 1/4 كوب ماء وبعد الغليان تهدي النار خالص و تتركيه حتى ينضج وتغرفيه في الطبق وتزيينه حسب ذوقك .

  كنتاكي من اكتر الاكلات اللي بيحبها الاولاد النهاردة مع لمسات حوا هنقدم لك خطوة بخطوة بالصور ازاي تعمليها احسن من أكبر المطاعم . الكمية تكفي :_ 5 أشخاص  وقت التحضير :_ ساعتين  وقت الطهي :_ 20 دقيقة  المقادير :_ كيلو دبوس متوسطة  أو فرخة مقطعة على 8  2 كوب لبن  علبة زبادي ملح _ فلفل اسود _ بصل بودرة _ ثوم بودرة _ باربيكا  3  اكواب دقيق  1 كوب تتبيلة كنتاكي   طريقة التحضير :_ 1_ اول حاجة هترشي نص التوابل على الفراخ وتبليها كويس عشان تخلي طعم الفراخ يجنن . 2_ في طبق غويط هتنزل باللبن مع الزبادي ونضيف باقي التوابل مع اللبن ونقلبهم كويس و ننقع فيها كل الفراخ لمدة ساعتين . 3 _ هنقلب الدقيق مع تتبيلة الكنتاكي في طبق غويط نطلع الفراخ من اللبن ونقلبها كويس 3 أو 4 مرات ونخرج الفراخ على شبكة عشان متعجنش ونخلص الكمية كلها . 4_ حلة غويط وفيها زيت كتير ونسخن الزيت ونخلي النار متوسطة ونبدأ ننزل بالفراخ للتحمير وتغطي الحلة عشان الفراخ تستوي كويس من جوا مش من برا بس . 5_ نخرج الفراخ بعد التحمير في طبق وتزيينها على حسب رغبتك وتقدم ساخنة .

  الكمية تكفي :_ 4 أشخاص  وقت التحضير :_ 10 دقائق  وقت الطهي :_ 15 دقيقة  المقادير :_ 1/2 كيلو لحمة مفرومة   2 بصل مبشورة ناعم  مودزريلا كوب دقيق  زيت للتحمير 1/4 كوب تتبيلة كنتاكي كوب فيجيتار  ملح _ فلفل اسود _ بصل بودرة _ توم بودرة _ توابل لحم  الطريقة :_ 1_ هننزل باللحم المفروم وعليه البصل وكل التوابل ونعجنهم كويس  2_ هنعمل كورة صغيرة ونعمل دائرة نحشيها مودزريلا ونقفل الدائرة كويس نخلي اللحمة تغطي الجبنة  3_ نتبلها بالدقيق ونلفها كويس في الدقيق وبعدين تغطسيها في البيض وبعدين في خلطة الفيجيتار بالكنتاكي   4_ هنعمل كدا في كل الكمية وبعدين ندخلها الفريزر ساعة على الأقل  5_ زيت غزير على النار يسخن والنار متوسطة ننزل بكرات اللحم وتغطي المقلاية عشان اللحم تستوي .