طريقة عمل صدور الدجاج في الفرن (حصري )
وقت التحضير :- 10 دقائق
وقت الطهي : 30 دقيقة
الكمية تكفي :- 3 اشخاص
زهقتي من الزيت والتحمير وعايزة حاجة سهلة وصحية , اطفالك بيحبو صدور الدجاج والاكلات السريعة لمسات حوا النهاردة هتقدم لك وصفة روعة وصحية لصدور الدجاج , طريقة عمل صدور الدجاج في الفرن (حصري) وصفة بجد سهلة وسريعة وكمان تقدري تقدميها مع الارز الابيض او الارز بالشعرية , مناسبة للاطفال بدون اي دهون ولا تحمير ولا بيض مكونات بسيطة وسهلة موجودة في اي بيت .
المقادير :-
- نص كيلو بانية - صدور دجاج شرايح رفيعة
- بصلة كبيرة مبشورة ناعم
- نص كوب جبنة مودزريلا
- ملعقة كبيرة بصل بودر
- ملعقة صغيرة فلفل اسود
- 3 ملاعق كبيرة زبادي - او نص كوب لبن
- ملعقة صغيرة بابريكا مدخنة
- ملعقة صغيرة ثوم بودر
- ملح
- رشة زنجبيل
طريقة الطهي :-
- في اناء مناسب نضع الزبادي او اللبن , نضيف البصل المشور ناعم جدا وممكن تستغني عنه خالص .
- نضيع جميع التوابل ,الملح , والفلفل الاسود , والبصل البودر , والثوم البودر , والبابريكا , والزنجبيل كل التوابل الي الزبادي .
- نخلط كل التوابل والزبادي جيدا ونضيف ملعقتين كبار زيت .
- نحضر صينية او طاجن بايركس وندهنها بالزيت نرص صدور الدجاج ونفرد عليها التتبيلة ونغطي قطع الدجاج بالتتبيلة كويس جدا وبعد ما ننتهي من رص صدور الدجاج وننزل بباقي التتبيلة .
- ندخل الطاجن البايركس او الصينية الفرن لحد ما تاخد لون دهبي خطير ونخرجها من الفرن .
- ممكن نقدم جمبها ارز بالشعرية او بالعيش احلي بكتير من الزيت والتحمير .
تعليقات
إرسال تعليق