قوارب كوسة محشية بالفراخ وصوص البشاميل

 

وقت التحضير :- 15 دقيقة 
وقت الطهي :- 25 دقيقة 
الكمية تكفي :- 3 اشخاص 

قوارب كوسة محشية بالفراخ وصوص البشاميل من احلى الوصفات اللي هتخلي اولاد يحبوا الكوسة , وصفة بجد روعة وسهلة وسريعة وطعم صوص البشاميل هيخلي الكوسة في حتة , وطعم الفرخ مع الصوص فكرة جديدة وسهلة .

المقادير :-

• كيلو كوسة متوسطة الحجم .
• 1/2 كيلو صدور فراخ مقطعة مكعبات صغيرة .
• بصلة كبيرة مبشورة .
• ملعقة كبيرة زبدة .
• ملح .
• فلفل اسود .
• بابريكا .
• توابل فراخ .
• رشة زنجبيل .

طريقة طهي الكوسا :-

• اصنعي قوارب بالكوسا انزعي طبقة رقيقة من الكوسة ثم قومي بافراغ قالب الكوسة بملعقة صغيرة مثل الشكل الموجود في الصورة كرري هذه العملية حتي تنتهي من الكوسا .
• في طاسة على النار نضع الزبدة ونضيف البصل المشورة وحركي البصل لمدة 5 دقائق ثم اضيفي صدور الدجاج وقلبي جيدا ثم اضيفي جميع التوابل وقلبي الدجاج حتي ينضج ويتشرب جميع الماء .
• في طاجن بايركس او صينية ندهنها زبدة ونحشي الكوسة بالفراخ ونرصها في الطاجن , ثم نضيف البشاميل ونرش جبنة مودزريلا حسب الرغبة يمكن تستغني عنها وندخلها فرن ساخن حتي يتحمر لونها 

مقادير صوص البشاميل :-

• 4 كوب لبن .
• 3 ملاعق كبيرة دقيق .
• 2 ملعقة كبيرة زبدة .
• ملح .
• فلفل اسود .
• كمون .
• بابريكا مدخنة .

طريقة صوص البشاميل للكوسة :-

• في اناء علي النار نضع الزبدة وبعد تسخين الزبدة , نضع الدقيق ونحرك الدقيق لمدة دقيقتين , نضيف اللبن ونحرك الحليب بسرعة بالمضرب السلك جيدا حتي لا يتكتل الدقيق .
• نتركه علي نار متوسطة حتي الغليان , ثم نضيف الملح , والفلفل الاسود , والكمون , والبابريكا , ونتركه علي النار لمدة 5 دقائق حتي يتماسك قليلا اخف من صوص المكرونة  ونرفعه من على النار .