كفتة اقتصادية ( حصرية )

وقت التحضير :- 10 دقائق 
وقت الطهي :- 15 دقيقة 
الكمية تكفي :- 4 اشخاص 

كفتة اقتصادية روعة سهلة وسريعة ، هنعمل كمية كبيرة تكفي 4 اشخاص ، كل أفراد أسرتك هيعشقوها ، اقتصادية وموفرة تنفع كمان في العزومات . 

المقادير :- 

• 1/2 كيلو لحم مفروم .
• 2 بطاطس كبيرة . 
• بصلة متوسطة . 
• ربع كوب بقسماط . 
• زيت للتحمير .
• بصل بودرة 
• ثوم بودرة 
• ملح / فلفل اسود / رشة زنجبيل .

الطريقة :- 

• في اناء هنبشر البطاطس ونعصرها كويس لحد ما نتخلص من اي سوائل موجودة فيها . 
• نبشر البصل ونعصرها وبتخلص من السوائل الموجودة فيها الخطوات دي مهمة عشان الكفتة ماتفكش منك وانتي بتحمريها . 
• في اناء هنضيف البطاطس والبصل واللحم وننزل عليهم بالبقسماط ونضيف جميع التوابل ونعجنهم كويس لحد ما كل المكونات تختلط ببعض كويس . 
• شكلي الكفتة حسب الرغبة أصابع او كرات او أقراص دوائر .
• في طاسة على النار نضع الزيت للتحمير وعلى نار متوسطة نقوم بتحمير الكفتة . 
• تقدم ساخنة مع المكرونة او الأرز