كوسة بالباشميل والمودزريلا
وقت التحضير :- 15 دقيقة
وقت الطهي :- 30 دقيقة
الكمية تكفي :- 4 اشخاص
لو اولادك ما بيحبوش الكوسة ، هيعشقوها بعد ما تجربي الطريقة دي وصفة روعة وسهلة وصحية جدا ، كوسة بالباشميل وصفة سهلة جدا ولذيذة .
المقادير:-
- 1\2 كيلو كوسة
- 1\2 كيلو لحم مفروم
- بصلة كبيرة مبشورة .
- 3 ملاعق دقيق
- 4 كوب لبن
- مودزريلا حسب الرغبة
- 2 ملعقة زبدة
- ربع كوب زيت
- ملح / فلفل / بابريكا / رشة زنجبيل / رشة قرفة
الطريقة :-
طريقة اللحم :-
في طاسة نضع الزبدة ثم نضيف البصل المبشور ونقلب جيدا حتي يتحول للون الذهبي ننزل باللحم ونقلب نضيف كل التوابل اللي بنفضبها ونضع ربع كوب ماء واتركها تنضج ممكن تضيفي فلفل الوان وممكن ملعقة صلصة حسب الرغبة .
طريقة البشاميل :-
في اناء نضع الزبدة نتركها تسخن جيدا ونضيف الدقيق نقلبه كويس وبعدين مبعده عن النار وننزل باللبن ونقلب كويس بسرعه نرجعه على النار لحد مايتقل نرفع مايكونش تقيل اوي يكون اخف من بتاع المكرونة شوية
طريقة الكوسة :-
في طاسة نضع ملعقة زبدة وننزل بالكوسة شوية نحمرها على الوجهين واقولك على تكة حلوة قبل ماتحملت الكوسة تبليها في الدقيق هتعمل طبقة روعة
طريقة الكوسة بالباشميل :-
في قارب او صينية نرص الكوسة وبعدين ننزل باللحم المتعصج وننزل بعد كدا بالباشميل كله وندخلها لمدة ربع ساعة الفرن ويخرجها نضيف المودزريلا ونرجعها الفرن تاني عشان الجبنة تسيح والوش يحمر قدميها مع الرز بالشعرية
تعليقات
إرسال تعليق