طريقة النوتيلا

 

نوع الطبق: - حلويات 

الكل بتعشق النوتيلا ، لكن سعرها بقى عالي جدا ، النهاردة هقولك ازاي نعمل النوتيلا في البيت بطريقة سهلة جدا ، واقتصادية مكونات كلها من البيت . 

طريقة النوتيلا سهلة واقتصادية وسريعة وكمان ممكن تستخدميها في التزيين او التورتة . 

طريقة النوتيلا بالبندق :- 

المقادير :- 

• كوب لبن 
• 1\2 كوب زيت ( نوع نضيف عشان الطعم ) 
• ربع كوب لبن بودرة ( يمكن الاستغناء عنها )
• 3 مكعبات شيكولاته خام ( يمكن الاستغناء عنها ) 
• 1\2 كوب سكر 
• 2 كيس نسكافية 3 في 1 بالبندق ( عشان نحصل على طعم البندق ) 
• 5 ملاعق كبيرة  كاكاو خام 
• ملعقة فانيليا 

الطريقة :- 

• في اناء عميق نضع جميع المكونات و بالهاند بلندر نخلط جميع المكونات جيدا حتي تمتزج جيدا 
• لو مافيش هاند بلندر تقدري بالخلاط ننزل بجميع المكونات ونشغل الخلاط لمدة 5 دقايق تقريبا حتى تمتزج جميع المكونات ونحصل على صوص الشيكولاتة النوتيلا
• نحتفظ بالشوكولاته في برطمان نظيف جاف جيدا في الثلاجة 
• نحصل على قوام مناسب في حالة استخدامها للتزيين ممكن تخفيها باللبن شوية 

طريقة النوتيلا ( صوص الشيكولاته ) 

المقادير:-

1. كوب لبن ( حليب ) 
2. كوب زيت 
3. ملعقة صغير فانيليا 
4. نص كوب سكر 
5. 4 ملاعق كبيرة كاكاو خام 
6. ملعقة كبيرة نسكافيه ( سادة ) 
7. 4 ملاعق شيكولاتة خام ( ممكن تستغني عنها ) 

الطريقة:- 

• في اناء نضع جميع المكونات وباستخدام الهاند بلندر نخلط جميع المكونات جيدا حتى تمتزج ونحصل على قوام الصوص المطلوب .
• لو مافيش هاند بلندر تقدري تضعي جميع المكونات في الخلاط ونشغل الخلاط لمدة 5 دقايق حتى تمتزج جميع المكونات جيدا ونحصل على صوص النوتيلا 
• في برطمان نضيف جاف نضع النوتيلا ونحتفظ بيه في الثلاجة .