كنافة بالفراولة والقشطة
وقت التحضير:- 10 دقائق
وقت الطهي :- 20 دقيقة
نوع الطبق:- حلويات شرقية
الكنافة مش بس صواني ، ممكن تتعمل حاجة كتير وكمان مش لازم تدخل الفرن ، كفاية بقى كنافة بالمانجا ، وتعالي نعملها بالفراولة ، دا حتى احنا في موسم الفراولة .
المقادير:-
- نص كيلو كنافة
- 3 ملاعق سكر ناعم
- 2 ملعقة كبيرة زبدة
الطريقة :-
- يفضل ان توضع الكنافة في الفريزر لسهوله تكسيرها او فرمها هنفرم الكنافة وننزل عليها بالزبدة والسكر
- نفرك الكنافة بالزبدة والسكر كويس لحد ما الكنافة كلها تتغلف بالزبدة
- في طاسة على النار هننزل بالكنافة ونحمرها نقلب باستمرار عشان ما تتحرقش منك اول ما توصل للون الذهبي نركنها تبرد
مقادير الكريمة ( القشطة):-
- 4 ملاعق كبيرة دقيق
- 3 اكواب لبن
- 2 ملعقة كبيرة قشطة او كيس كريم شانتى
- فانيليا
- 2 ملعقة كبيرة سكر ناعم
الطريقة :-
- في اناء او حلة هننزل باللبن وعليه الدقيق ونقلب كويس وارفعها على النار ونستمر في التقليب اول ما تتحول كريمة او تتقل هنزلها من النار
- نضيف القشطة و لو ماعندكيش هنضيف الكريم شانتي ونقلب كويس
- هننزل بالسكر و الفانيليا واتركها تبرد كويس
مقادير الفراولة :-
- نص كيلو فراولة متقطعة صغير
- كوب كبير سكر
- 2 كوب ماء
الطريقة:-
- في اناء نضع الفراولة مع السكر والماء وارفعها على النار ونقلب كويس حتي تنضج الفراولة
التقديم :-
في كاسات نضع طبقة من الكريمة وطبقة من الكنافة وطبقة من صوص الفراولة .
يمكن أن تضعيها في اطباق مناسبة وتزينيها حسب ذوقك
تعليقات
إرسال تعليق