فراخ مشوية من غير شواية ولا فرن
وقت التحضير :- ساعتين للتتبيلة
وقت الطهي :- 30 دقيقة
الكمية تكفي :- 4 أشخاص
كلنا بنحب الفراخ المشوية ، بس بتاخد وقت كبير ولازم شواية ، لمسات حوا النهاردة جابتلك طريقة روعة وسهلة هتعمل بيها الفراخ المشوية في دقايق ومن غير دخان ولا مجهود .
مقادير التتبيلة:-
- بصلة
- طماطم
- فلفل حار أو بارد حسب الرغبة
- ملعقتين زيت
- عصير ليمونه
- ملعقة خل
- ملعقة كبيرة كاتشب
- ملح / فلفل / بابريكا/ توابل فراخ
طريقة تسوية الفراخ :-
- فرخة اي حجم يناسبك ونقسم الفرخة نصين من الصدر وماتفصليشها عن بعضها احنا بس هنفتحها
- التتبيلة طبعا في الكبة وهنفرمها كويس جدا ونتبل الفرخة كويسة بالتتبيلة ونسيبها ساعتين على الاقل وياجمالها لو نسيبها في التتبيله ليلة كاملة .
- في صينية ندهنها زيت وننزل بالفرخة المتبلة نغطي الفرخة بطبق صغير وفي حلة أصغر نملها ماية ونحطها على الفرخة عشان تكبسة الفرخة كويسة وتستوي .
- نتركها تقريبا ربع ساعة ونقلبها على الوش التاني وبرضو نحط الطبق والحلة
- تقريبا هتاخد نص ساعة وتاكلي احلى وأسرع فراخ مشوية وماتنسيش تحطي فحمه متولعة بعد ماتسوي عشان تاخد طعم الفحم
تعليقات
إرسال تعليق