جوزي اتجوز عليا وأمه ساعدته انتقمت منه هو وأمه واخته

 

انا ريهام عندي 27 سنة بيقولوا عليا جميلة معايا بكالوريوس تجارة بتقدير جالي فرص للشغل في شركات قطاع خاص بس مااشتغلتش اتجوزت وانا عندي 22 سنة لجوزي اكبر مني بأربع سنين اسمه محمد بيشتغل في شركة قطاع خاص هو برضو بكالوريوس تجارة مستوانا الاجتماعي الحمد لله كويس عندي ولد عنده 3 سنين كنا بنحب بعض في الاول هو شافني عند صديقة ليا بنت خاله واتقدم لي حبيته جدا في فترة الخطوبة بابا من النوع الطيب اوي لما جالي محمد عشان يتقدم لي بابا قاله يابني انا عايز واحد يتقي الله في بنتي ويراعي ربنا فيها ويكون حنين ويحبها الفرش والجهاز دي كلها حاجات هتزول المهم راحة البال وياما ناس اتجوزوا في اوضه وربنا كرمهم وعايشين في سعادة وناس اتجوزت في قصور وبتلعن اليوم اللي اتجوزت فيه قال انا هجيب 3 اوض و هجيب شبكة بابا قاله اللي تقدر عليه هتجيبه في بيتك المهم من سنة حسيت أن جوزي متغير ومش طبيعي وعلى طول ماسك التليفون وقاعد سرحان وفي يوم من سنة قالي وهو بيعيط انا عندي مشكلة كبيرة ومحتاج مبلغ كبير والا هتسجن حصل عندي عجز في الشركة ولازم اضيفه قبل ما يحصل جرد بصراحة هو كان كويس وبيعمل اللي يقدر عليه فأنا قولت مش مشكله كان عندي مبلغ بابا حاطه وديعة باسمي في البنك سحبته وبيعت شبكتي واديتو كل الفلوس وقالي أنه بيحاول يعمل مشروع يزود بيه دخلنا المهم بدأ يغيب عن مواعيده بقيت اشوفه بالخناق وكل شوية يبات برا البيت المهم قررت اعرف السبب فضلت مركزة معاه لحد ما عرفت باص وورد التليفون ودخلت انصدمت صدمت عمري اكتشفت أنه متجوز عليا كان لازم اتاكد وبالفعل اتاكدت قررت ادخل أهله في الموضوع وحكيت لهم الحكاية وأنه اخد فلوسي واتجوز بيها بصراحة أبوه كان طيب وبيحبني جدا وبيعاملني زي بنته وكان زعلان لكن أمه واخته كانوا عارفين واخته فضلت تزعق هي وامها وتقولي دا حقه وهو ماعملش حاجة حرام قولتلهم ومش حرام أنه ياخد فلوسي عشان يتجوز قالتلي شبكته واخدها المهم اتقهرت وصممت اني اطلب الطلاق كان بيهددني بابني قولتله الشرع بيقول أن الأب هو اللي يصرف علي عياله طلقني قولت كدا وأبا بموت من جوايا بس كنت متأكدة أني هعرف اخد ابني تاني لان أمه مش ترضي تاخده تربيه  صممت على الطلاق وبالفعل رفعت قضية واحدا ابني وكل حقي ودهبي لانه كان كاتبه في القائمه اول حاجة عملتها اني استضعفت لحد ما أبوه أجبره يرجع لي فلوسي وبعدين قربت من جوز أخته وحكيت له اللي هي عملته وبدأ يقرب مني خصوصا انها مش حلوة خالص ومتسلطة عليه ومش مريحاه وعلى طول تسيبه لوحده وتقعد بالشهر عند امها وهو محامي ومبسوط اوي قولتله اني عايزاه يوقف جنبي خصوصا بعد وفاة بابا وعايزة اعمل مشروع اصرف علي نفسي وابني وفعلا عملت المشروع وهو ساعدني كتير وطلب مني الجواز وبالفعل اتجوزته عشان احرق قلب مراته وامها زي ما خربوا بيتي دلوقتي هو اشترى لي شقة كبيرة ومش رافض خالص ابني بالعكس بيحبه جدا وعايشة معاه في سعادة نستني اللي عمله معايا جوزي الاولاني اوعي تخلي حاجة تكسرك لازم تخليه يندم أنه خسرك ماتضعفيش ولا تستسلمي اللي باعك اوعي تبقي عليه