الراجل الناقص ابو محمد وبتاعت الخضار
من يجي 3 أسابيع كدا كل مااطلع البلكونة الاقي ابو محمد قاعد في وش بتاعت الخضار انا بصراحة في الاول مااخدتش ولا أديت بس لما الموضوع اتكرر وبقى كل يوم يقعد من ساعة ياختي انتي وهي مارجع من السعودية وهو قاعد طول اليوم انا بصراحة شكيت بقى قولت لازم اعرف الراجل دا بيقعد كل يوم ليه حطيته في دماغي وربنا يكفيكوا شر اللي احطه في دماغي وقولت لازم اجيب اخر الراجل دا ايه بالظبط اتاري الراجل الناقص كل يوم ياختي يقعد يتفرج على النسوان وهي بتنقي الخضار والستات طبعا ياعيني مش في دماغهم و وقاعد يتفرج على اللي داخله واللي طالعة واللي بترفع عبايتها واللي بتجسم أسدالها عشان مايتبهدلش من الأرض قعدت ادور على حسابه على الفيس لحد ما جيبته من قفاه وروحت مصوراه كام صورة وعملت حساب فيس بوك ولد وحطيت صورة واد خنفس وبلطجي كدا و بعت له صورة على الفيس وهددته قولتله بقى ياراجل يا ناقص جاي من السعودية تتفرج على حريم الشارع وهي بتشتري الخضار عليا النعمة لو مالميت نفسك لهنفخك وهرمي على وشك ماية نار وانزل صور على حيطان الشارع ياراجل ياواطي ومن ساعتها الراجل ما بقاش بيهوب ناحية بتاعت الخضار وبالصدفة قابلت مراته يسألها عليه لاقيتها بتقولي ياختي الراجل لازق في البيت بصمغ تقولش حد كاسر عينه ياله ربنا يقدرنا على فعل الخير ويعين ام محمد على قعدت ابو محمد في البيت ماهي جنازه بطار ولا قعدت الراجل في الدار
تعليقات
إرسال تعليق