فراخ مشوية بالخلطة السرية احسن من المطاعم
كلنا بنحب الفراخ المشوية وبالذات الاطفال لكن أغلبنا مابيعرفش يستمتع بالطعم والرائحة اللي بتميز الفراخ المشوية
تعالي هقولك على خلطة سرية تجنن وهتخلي الفراخ المشوية بجمال وحلاوة اكبر المطاعم
المقادير
بصلة كبيرة
1 طماطم
1 فلفل اخضر
ملح _ بصل بودرة _ ثوم بودرة
فص توم _ خل _ ليمون
الطريقة :-
هتاخدي كل المكونات دي وتضربيهم ضربا مبرحا في الكبة بتاعتك وكمان السر في أن الفراخ ماتنشفش منك اقسمي الفرخة من الضهر وخليها ماسكة الصدر زي الصورة بالظبط شققي الفرخة من كل حتة بسكينة صغيرة و اعمليها بالتتبيلة وسيبيها ساعة تقريبا وبعدين شغلي الشواية بتاعت الفحم وانزلي بالفرخة وتقللي الفحم عشان الفراخ ماتتحرقش منك طب لو مافيش شواية ولا يهمنا تعالي على فرن البوتجاز ابو عيون زرقاء وشغلي الفرن لحد مايسخن وانزلي بالفرخة على الشبكة ونار متوسطة وبالف هنا
تعليقات
إرسال تعليق