فطائر الجيوب التركية

 فطائر الجيوب التركية من المطبخ التركي ومقاديرها وطريقتها سهلة وبسيطة وهتعجب اولادك وهتعجب كل عيلتك دايما الاولاد بيحبوا التجديد والتغيير عشان الملل تعالي تابع معايا وشوفي تكات العجينة

الوصفة : من المطبخ التركي
وقت التحضير : 35
وقت الطهي : 15

المقادير :-

كيلو دقيق 

كوب لبن 

كوب ماء

نص كوب زيت 

2بيضة

معلقةونص كبيرة سكر 

معلقة ونص كبيرة خميرة 

معلقة كبيرة بيكنج بودر 

معلقة كبيرة خل 

رشة ملح

الطريقة :-

هتجيبي البولاة اللي هتعجني فيها هتحطي نص مقدار الماية الدافية والباقي هتسبيه في الكوب وضيفي عليه الخميرة ونص مقدار السكر  عشان تختبريها وتشوفيها ناجحة ولا لاء (ملحوظة افضل انواع الخميرة هي الخميرة التركي ) هتضيفي باقي السكر في البولاة مع الماية الدافية وهتضيفي اللبن والزيت والخل والبيض وتقلبيهم كويس بالمضرب السلك اليدوي وهتجيبي بولاة تانية تفضي فيها الدقيق وتحطي عليه معلق بيكنج بودر ورشة ملح وتقلبيهم كويس هتجيبي الخميرة اللي عملنلها الاختبار ولاقيناها ناجحة ونضيفها في البولاة اللي فيها الماية واللبن ونقلب كويس هنضيف الدقيق على المكونات السايلة ونعجن المكونات كلها هنزل العجين من البولاة على الرخام وتفضلي تفردي وتلمي وتفردي وتلمي العجين عشان تطلع هشة وجميلة هتسبيها بقي 30 تخمر وبعدين نفردها وهنقطع العجين الي 20 قطعة بالشكل دا 

هناخد قطع العجين ونلفها كويس ونكورها ونعمل دايرة بكل قطعة لحد ما يخلص العجين بالشكل دا زي ما في الصورة 2

نغطي العجين بكيس بلاستيك ونسيبه يرتاح لمدة 5 دقايق 

هنجيب بولاة صغيرة فيها معلقتين زيدة وشوية زيت وبالفرشة هندهن الرخامة عشان نفرد العجين وهتمسكي دايرة وتفرديها بالراحة ونخليها رقيقة وتدهني الوش بالفرشة بالخليط بتاع الزبدة وطبقيها نصين وكمان نصين علي شكل مثلث بالشكل دا زي ما في الصورة رقم 3

وهنرصها في صنية وياريت لو كانت الومنيوم افضل ونخلص العجين كله بنفس الطريقة ونرصه في الصنية بالشكل دا زي الصورة رقم 4 

 

ونسيبهم يخمروا شوية وهنجيب بولاة صغيرة فيها وهنحط فيها معلقة كبيرة لبن بودرة ومعلقة صغيرة سكر وربع معلقة نسكافية و3 معالق ماية ونقلب الخيط وندهن وش الفطاير بالفرشة وهنجيب شوية سمسم وحبة البركة ونقلبهم ونرش علي وش الخليط بالشكل دا زي الصورة رقم 5

 وهنكون مشغلين الفرن علي درجة حرارة 200 درجة ولو الشواية بتشتغل مع الفرن شغليها على نار هادية ودخليها الفرن ولما تحمر من الوش ومن تحت خرجيها من الفرن ولو الفرن عندك مابيشغلش الشواية والفرن مع بعض هنشغل الفرن ولما تاخد لون دهبي من تحط هنطلعها فوق ونشغل الشواية عشان الوش ودا شكلها بعد ما تستوي بالشكل دا زي الصورة رقم 6

احشيها بقى اي حاجة انتي عايزاها وممكن تشيليها في الفريزر وتطلعي منها وقت ما تحتاجي وتسيبيها شوية برا قبل ما تحشيها لحد ما تفك هتفضل طرية وجميل معاكي