ازاي تعملي البرجر في البيت وتحمي اولاد وتفرحيهم
نوع الاكلة : اكلات سريعة
الكمية تكفي : 5 أشخاص
المكونات :
1/2 كيلو لحمة مفرومة
3 بصلات متوسطة
فلفل حار حسب الرغبة
3 ملاعق فول صويا
3 ملاعق شوفان
ملح - فلفل اسود - كمون - توابل لحمة
الطريقة :
هتضربي البصل في الكبة لحد ما يبقي ناعم جدا وتحاولي تصفي منه الماية وتضيفي الشوفان والفول الصويا وتضربيهم تاني في الكبة وبعدين هتجيبي اللحمة في طبق عميق وتعجنيها بايدك وبعدين تضيفي عليها التوابل وبعدين الخلطة اللي عملناها وتعجني كويس بايدك لحد ما كل المكونات تدخل في بعضها هتعملي كورة صغير بايدك وتبططيها تعملي منها دايرة وماتكونش عالية اوي عشان تستوي وانتي بتحمريها هتكوني جايبة اكياس ومقطعها علي مقاس الدايرة اللي بتعمليها وهتجيبي طبق فل وتحطي كيس علي البق وتبداي ترصي الدواير اللي بتعمليها وتحطي بين كل واحدة كيس من اللي انتي مقطعاه ولما تخلصي كل الكمية تحطيه في كيس وتشليه في الفريزر لحين الاستخدام
تعليقات
إرسال تعليق