طريقة عمل ام علي بالرقاق

المقادير:
 
 رقاق مكسر فى حجم لقيمات 2 ملعقة سمن  4 كوب لبن  كوب سكر  فانيليا 2 ملعقة قشده  مكسرات و زبيب و جوز هند (حسب الرغبة) 

التحضير:1- تحمرى الرقاق المكسر فى السمن لحد ما يبقى لونه ذهبى .
2-سخنى اللبن و هو بيسخن ذوبى فيه السكر ( (علشان بيحصل إن اللبن بيقطع ساعات لو حطيتيه بارد )) و بعدين ضيفى الفانيليا .
3- أضيفى اللبن المغلى المسكر إلى الرقاق المحمر .
4- ضيفى القشده و المكسرات على الوجه (( حتغطس لتحت شويه مش مشكله )).

توضع فى الفرن حتى يحمر الوجه و لو وجدتى أن اللبن قل فيها ...أضيفى لبن ساخن إذا إحتاج الأمر .
تخرج من الفرن و تغرف و تقدم