الفسيخ

اولا المكونات:

سمك بوري" الكيلو سمكتين"

نص كيس ملح خشن

2 معلقه كبيره شطه

و اكياس جديده

و حته قماش
        


الطريقه:

اول حاجه نجيب السمك طازه ... و حطي 100 خط علي طازه و مانغسلوش و مانعملش فيه اي حاجه   بعدين نجيب جرنان و نحط عليه السمك لحد مايصفي كل الدم لمده لا تقل عن 12 ساعه يعني تحطيه بالليل و تعمليه الصبح
وبعدين تجيبى الشطة والملح وبعدين تفتحى خياشيم السمكة كده على الأخرو بعدين نحشي خياشمها دي بالملح و الشطه تجيبي الملح و الشطه و تلخبطيهم علي بعض

و بعدين تحشي لحد ما تحسي انها هاتفرقع و تضغطي عكده بصوابعك علي الخياشيم المحشيه دي

هتلاقي الملح بيخش لجوه كده و بيتكبس و تعملي كده في كميه السمك اللي عاندك

و بقي شويه من الملح و الشطه دول...هاقولك هانعمل بيهم ايه

حلو ..... حلو

تجيبي بقي كيس نايلون و تحطي فيه شويه ملح و شطه كده

بس ماتحطيش اكتر من سمكتين في الكيس الواحد
تعالي بقي نحط السمك بعد ماحشيناه
واحده عكس التاني
و نروح رشين عليه شويه كمان من الملح و الشطه و نربط الكيس الاولاني كويس قوي

و نلفه في كيس نايلون تاني و بعدين تلفيه في كذا كيس يعني حوال 5 كده

و بعدين اخر حاجه نلفه في مشمع

او كيس تخين علشان مايطلعش ريحه
و بعدين بقي نحطه في حته كده بعيد شويه يعني في درفه مطبخ اللي تحت او اللي عندها دولاب بلكونه او اي حته مداريا بصي بقي ركزي شويه معايا احنا مش هانفتح الفسيخ خالص وبعد 15 يوم هتلاقي احلي فسيخ