كفتة السمك

المقادير:
4 قطع سمك فيليه (يمكن استبدالهم بـ2 سمكة عادية بعد تفصيصها وإخلائها من الشوك)
ثمرة بطاطس مسلوقة
ملعقة صغيرة كمون
2 فص ثوم مفروم
كوب بقسماط
حزمة بقدونس
بصلة صغيرة
عصير ليمون
ملح وفلفل
كوب زيت
2 بيضة

الطريقة:
1- اسلقي السمك الفيليه لمدة 20 دقيقة على النار، وسيبيه يبرد، وبعد كده حطّيه في الكبة مع البطاطس والبقدونس وبيضة وعصير الليمون والبصل والثوم والكمون والملح والفلفل، واخلطيهم مع بعض لحد ما يبقى خليط متجانس ومتماسك، ملحوظة: (إذا كنتي هتستخدمي سمك من أي نوع تاني؛ فصّصيه واخليه من الشوك تماما، واتّبعي نفس الخطوات السابقة).

2- قسّمي الخليط على شكل صوابع، وبعد كده اخفقي البيض ومعاه شوية ملح وفلفل في طبق، وحطّي البقسماط في طبق تاني، واغمسي أصابع الكفتة في طبق البيض، ثم طبق البقسماط، وبعدين حمّريها في زيت ساخن، وقلّبيها لحد ما يبقى لونها دهبي، وبعد كده طلّعيها وقدّميها.. وبالهنا والشفا.