لمسات حوا

  وقت التحضير :- 15 دقيقة  وقت الطهي :- 30 دقيقة  الكمية تكفي :- 4 اشخاص  طاجن لحم بالبصل حصري من لمسات حوا  مقادير وطريقة روعة وسهلة هتبهري كل اللي يجربها مش هتبطلي تعمليها  طاجن لحم بالبصل حصري اللحم مستوية وبتدوب تقدري تاكليها بالعيش وممكن تعملي جمبها احلى طبق أرز بالشعرية .  المقادير:-  1\2 كيلو بصل   كيلو لحم  2 طماطم  فلفل أخضر ( ممكن تستغني عنه )  ملح / فلفل اسود / رشة زنجبيل / بابريكا  ملعقة صغيرة قرفة  بصل بودرة / ثوم بودرة  2 ملعقة كبيرة زبدة  الطريقة :-  نقطع لحم قطع متوسطة وفي طاسة نضع الزبدة ونحمر اللحم كويس لحد ما ياخد لون دهبي نطلع اللحم ونركنه جانبا .  نقطع البصل شرايح رفيعه ونحمره في الزبدة اللي حمرنا فيها اللحم . نضع ملعقتين دقيق ونحمر كويس وننزل بكوبين ماء ساخن واتركها تغلي كويس .  ننزل عليها باللحم واتركها تغلي لمدة 10 دقايق على نار متوسطة . في طاجن فخار ندهن الزبدة وننزل باللحم والبصل و نقطع الطماطم شرايح رفيعة جدا وجميع التوابل نضع واحد فلفل حار على وجه الطاجن وغطيها بورق زبدة  ندخلها الفرن على درجة حرارة متوسطة حتى تكتمل النضج .

  وقت التحضير :- 15 دقائق  وقت الطهي :- 10 دقائق  الكمية تكفي :- 2 شخص  بيتزا الطاسة وصفة روعة وسهلة من غير مجهود ولا فرد ولا عجن سريعة واقتصادية تنفع للفطور وتنفع للغدا او العشا كل أسرتك هتحبها ومش هتبطلي تعمليها .  المقادير :-  كوب دقيق مخبوزات ( طحين )  كوب لبن او ماء دافي  2 ملعقة كبيرة زيت  بيضة  فلفل الوان او حار  طماطم  نص ملعقة صغيرة خميرة  ملعقة صغيرة ملح  ملعقة صغيرة سكر ميكس جبن ( شيدر  _ مودزريلا _ رومي )  حشو ( سجق _ بسطرمة _ اي نوع حشو تحبيها )  الطريقة :-  في اناء عميق ننخل الدقيق ونضيف اللبن او الماء نضيف الخميرة .  ملعقة صغيرة ملح ملعقة صغيرة سكر نضيف على الدقيق ونقلب المكونات جيدا هتلاقي العجينة اتقل شوية من عجينة الكيك هتركها 10 دقايق . مقطع الطماطم صغير جدا والفلفل وننزل بيهم على العجين ونقلب كويس واي حاجة تانية سجق مفروم او ممكن نكتفي بالجبن ( الشيدر _ المودزريلا _ الرومي ) مبشورة  في طاسة كبيرة ندهنها زيت وننزل بالخليط على نار متوسطة او ضعيفة ونغطيها وتركتها تنضج  نقلبها على الوجه الاخر وممكن نضيف مودزريلا على الوش ونغطيها لحد ماتنضج كويس